學友.The Simpsons

繼一個禮拜既牙痛後
呢幾日終於好番啦
星期五晚去睇學友演唱會
碰巧係佢個tour第五十場
所以佢話今場特登送螢光棒同波波wor (唔知係咪真)
歌神真不愧為歌神
歌聲, 音色, 技巧當然係極佳
不過我覺得最厲害既係
佢個臺係無擺LCD TV播歌詞既!!
嚮三個鐘裡面, 有自己, 有人地, 有廣東, 有國語, 佢可以將全部歌詞記實
實在係非常專業!

不過我坐向半山
居高臨下見到學友跳既舞好多時其實都係自己好high地轉圈
好投入, 不過老實講麻麻地好睇
雖然係咁, 由八點二十分唱到十一點半
當中有好多好歌
好似"愛火花", "還是覺得你最好", "夕陽醉了", "只想一生跟你走"等等陪住我大既寶麗金時代既金曲
咁大個仔第一次現唱聽
真係好感動

星期日去咗睇The Simpsons
呢套我由小學睇到大既卡通
真係一d都無令我失望
返而有少少覺得未夠喉添
故事唔多講啦
不過如果要我數最鍾意角色
我諗我真係數唔到
因為裡面既角色性格包羅萬有
好似Homer, Moe, Apu, Barney, Comic Book Guy, Sideshow Bob等等
總之各種類型都有, 各有特色.
而Maggie十幾年黎講既第一句說話, 竟然係...
"Sequel?" (續集!!)

皇后

早前政府諮詢要清拆皇碼時
有多少人走出來說反對??
人都是這樣
不到失去的一刻也不懂珍惜
要去皇碼嗌生嗌死絕食"lur"地
倒不如回家向親人高呼我愛你再加一個擁抱更有意思

對於清拆皇碼, 我真的絲毫沒有覺得惋惜
集體回憶何來?
有多少人曾在皇后碼頭搭過船?
有人的著眼點是政府莫視民意, 一意孤行
這點我相信大家跟本無須o徙氣
政府何時有聽過我們的民意???

香港這地方很奇怪
大家都是自私的(你唔好唔認)
但忽然間又會因為傳媒炒作, 煽動情緒而短暫團結起來
(亦因為此, 我不看本地報紙)
最奇怪的是過後, 大家又繼續自私, 繼續假惺惺, 繼續過日子..

要攪熱血運動
倒不如將心力放於關心貧富懸殊等社會問題
當我擔心"仆街啦隻股又跌一毫"時,
有多少人正擔心沒有工開, 兒子要吃樹皮?
熱血, 是值得appreciate的
香港還有熱血的人, 對似我覺得他們絕對值得尊重
不過, 血, 要流得有意義, 才是熱血.

相比皇后碼頭
我真正懷念的, 是九龍皇帝.